《有樓萬事足》第2集率先睇 「105% 姐」自私便無敵

大台節目《有樓萬事足》內，90後OL Macy為何別號「105% 姐」？因為她每個月都可儲到人工的 105%，秘訣是：食屋企、住屋企，家用唔使畀，使費有男友「照起」！

再加坐車食飯多用八達通，但由家人代增值，自己又趁食午餐時時買少少股票作投資。縱使一直母兼父職的母親對她多年零家用而滿口怨言，但她仍夠膽大大聲反駁：

你明知我這幾年慳得那麼辛苦，很應該鼓勵支持我！

▲ Macy日常開支全由家人代支，故能儲到105%月薪。 (TVB提供)

對於睇死佢買唔到樓的人更加大聲講：

我層樓而家升了50萬，我估你們一年都賺不到50萬啦！

難怪極品港女儲錢3年便可上車，只要自私便無敵！

【延伸閱讀】港女有樓萬事足？置業女生Inky的慳錢方程式【有片】

▲ Chris每日限自己只花 50 元，8年儲了300萬。(TVB提供)

這集另有一位「50蚊哥」Chris，是貿易公司老闆，做人格言是「自己唔食，層樓食先」，每日限自己只花50元，寧願行路不坐車、帶飯返工、少與朋友消遣、用 2G 電話，甚至不拍拖，慳足8年終可儲到300萬做首期，年前成功購置港島西半山一個價值600萬的600呎單位，故事相當「勵志」。

今集都有一對無殼蝸牛、婚後卻要分開住的小夫妻Hathi及Henry做counter example，矢志一世不做樓奴、工作奴隸，上年裸婚只註冊冇擺酒，因為未有能力買樓，婚後仍各自繼續與父母同住，唯有每周一次「短聚」以解相思之苦。

▲ 婚後卻要分開住的小夫妻 Hathi 及 Henry，矢志不做樓奴。(TVB提供)

【延伸閱讀】無綫真人騷《有樓萬事足》  拜金港女：無樓就唔好白撞！

今集主題是「為買樓去到盡？」，依然有啜核金句：

「105% 姐」Macy

儲錢格言：食屋企住屋企，家用唔使畀，出街使費有男友照起！

睇死我？我層樓而家升咗 50 萬，我估你哋一年都賺唔到 50 萬啦！

買樓時同個業主講，自己是 90 後搵錢唔多，但想買樓畀父母住，再盛讚層樓有幾好有幾靚，咁就會氹到業主很開心，有機會肯減價畀我。

「50 蚊哥」Chris

▲ (TVB提供)

自己唔食，層樓食先！

每日限自己只花 50 元，寧願行路唔坐車、帶飯返工、少與朋友消遣、用 2G 電話，甚至唔拍拖，要有『神之定力』才可與現實世界分割。

要揀個唔大使的女友，最好鍾意買嘢會格價及儲 coupon、行山（因為免費）、等到特價時段才開餐，這些都是美德！

無殼小夫妻 Hathi 及 Henry

▲ (TVB提供)

既然認定她是可以一起走下去的人，就不用想太多，冇樓都可以結婚。

若一段感情只建基於一些好虛、好空心的概念之上，好易冇，也有機會捉得唔緊。

【其他熱話】潤膚乳愈搽愈痕 認住4款不含致敏成分潤膚乳

【其他熱話】26歲小風：我愛上的人不分性別【有片】

【其他熱話】90後殯儀三代由仵工做起 生人恐怖過死人